સ્મશાનમાંતો શાંતિ જોઈએ ને ! તો જ, 

'સ્મશાનવત્ શાંતિ' શબ્દ યથાર્થ ગણાય! 

તો આજે કેમ ત્યાં કોલાહલ વધ્યો છે! 

તો આજે કેમ ત્યાં અણઘડ હરોળ છે! 

પાટ બધી બળી બળી થાક અનુભવે છે! 

એય હવેતો માણસનો ભાર અનુભવે છે! 

શ્રધ્ધા ઉપર પણ સો-સો ડામ દેવાય છે! 

આસ્થા આપ-મેળે જ ડગમગ થાય છે! 

કાલે જે મને શાબાશી આપતા વ્યક્તિત્વો, 

આજે તે કેમ પંચ મહાભૂતમાં વિલીન છે! 

પ્રભુ શા માટે! કેમ અચાનક આમ થાય છે! 

શાને સૌના હ્રદયમાં અકળ ભીંસ વર્તાય છે! 

શું મૃત્યુ એટલે મામૂલી રોજનીશીની ક્રિયા!? 

શું મૃત્યુ એટલે મલાજો ખોઈ ચૂકેલી ક્રિયા!? 

ચોમાસાના ફૂદાની જેમ મરી જતો માણસ! 

અચાનક  હતો નો-હતો થઈ જતો માણસ! 

ટેલીફોનીક ઉઠમણા-બેસણા કઈ રીત છે!? 

દુઃખમાં ભાગીદાર બનવા પર નજરકેદ છે!? 

©️®️

🎯 Writer : Prof.Dr.Vaibhavi Trivedi 

🎯 Matusri Shantaben arts College 

 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....