Death

“...और एक अजीब सी चाह, जिसका कोई तुक और अर्थ नहीं।

एक चाह, उस सीमा तक, जहां मृत्यु है।”

            મૃત્યુનું મને જબરજસ્ત આકર્ષણ છે; જીવનને માણવું એ કોઈ મોટી વાત નથી , એ દરેક મનુષ્ય પોતાના અંદાજમાં માણે જ છે , પણ !!! જીવનમાં રહીને મૃત્યુને ઉત્સવ બનાવવો એ બધા માટે સહેલો નથી, મોહ,માયા,મમતા આ બધું એમ ક્યાં છૂટે છે, એટલે જ મૃત્યુનો ભય વિકરાળ બનતો જાય છે, બાકી જીવન પણ માણવું અને મૃત્યુ પણ માણવું એ બહુ ઓછા લોકો કરી શકે છે .......

            "મૃત્યુ" મને મહોત્સવ જેવું લાગે છે, મૃત્યુમાં કદાચ જીવનના નવરસ અને રંગોના સંયોજન કરતા પણ કંઈક વિશેષ હશે !!! મેં ફક્ત ચાર વર્ષની ઉમરે મારા ઘરને સ્મશાનમાં પરિવર્તિત થતા જોયું છે, આ ઘટનાઓ બનવા પાછળ ક્યાં પરિબળો ભાગ ભજવી જાય છે એ સમજવામાં બાળપણ વીતી ગયું, ખુબજ ઊંડુ સંશોધન કર્યુ; ગહન અધ્યયન કર્યુ ; સાહિત્યકારોને મળી; Spiritual સેમિનાર attend કર્યા; શંકરાચાર્યને મળી, તારણ આવુ કંઈક આવ્યું !,,,, બ્રમ્હ્તત્વમાં એકાકાર થઈ જવું એ એમ જ તો સાબિત કરી આપે છે કે મૃત્યુએ જ જીવનનો અંતિમ પડાવ છે !! પણ, એ તો જીવનનો અંતિમ પડાવ થયો ; આત્મા ? આત્માની તો એજ ઉપાધી , નવો જન્મ, નવા કર્મો, નવા સબંધો, ચોર્યાસી લાખ ફેરા ખતમ જ નથી થતા!! ગુરુદ્વારા માંથી નિકળતી પ્રભાતફેરી અને અરદાસ મને અનહદ સુકૂન આપે છે; તો સૂફીવાદ તીવ્ર ખેંચાણ આપે છે; શિવના આકર્ષણની કોઈ સીમા નથી--ક્રુષ્ણ અને કાલી પણ મારી અંદર રોમ રોમમાં વ્યાપ્ત છે. 

તો પછી આટલી તડપ,ઝંખના,અધીરાઇ મ્રુત્યુની કેમ!! ??? મૃત્યુ શું હશે ? મૃત્યુ પહેલાં શું હશે ? મૃત્યુ સમયે શું હોય ? મૃત્યુ પછી શું ? મૃત્યુના અનુભવો કહેનારો કોણ ? જે મૃત્યુ પામે છે તે એના અનુભવો કહી શકતો નથી. જે જન્મ પામે છે તે તેની આગળની અવસ્થા સ્થિતિ જાણતો નથી. આમ જન્મ પહેલાંને મૃત્યુ પછીની અવસ્થા કોઈ જાણતો નથી. તેથી મૃત્યુ પહેલાં, મૃત્યુ સમયે ને મૃત્યુ પછી કઈ દશામાંથી પસાર થવું પડે છે તેનું રહસ્ય અકબંધ રહી જાય છે. 

             મૃત્યુનાં રહસ્યો જ્યારે ખુલ્લાં થઈ જાય છે ત્યારે માણસને તે પ્રસંગોમાં, એના જીવનકાળ દરમ્યાનના વ્યવહારમાં એવા અવસરે અચૂક સાંત્વના સાંપડે જ.

આત્મા તો સદાકાળ જન્મ-મરણથી પર જ છે, જન્મ-મરણ આત્માને નથી જ ! છતાં બુદ્ધિથી, જન્મ-મરણની પરંપરા સર્જાયા કરે છે તે મનુષ્યોને અનુભવમાં આવે છે. ત્યારે સ્વાભાવિકપણે મૂળ પ્રશ્ન ઉદ્ભવે કે જન્મ-મરણ કેવી રીતે બને છે ? તે વખતે આત્મા અને જોડે જોડે કઈ કઈ વસ્તુઓ હોય છે. તે બધાનું શું થાય છે ? પુનર્જન્મ કોનો થાય છે ? કેવી રીતે થાય છે ? આવન-જાવન કોનાં ? કાર્યમાંથી કારણ અને કારણમાંથી કાર્યની પરંપરા શી રીતે સર્જાય છે ? તે શી રીતે અટકે ? આયુષ્યના બંધ કેવી રીતે પડે છે ? આયુષ્ય શેના આધારે હોય છે ? આવાં સનાતન પ્રશ્નોની સચોટ-સમાધાની વૈજ્ઞાનિક સમજ કોણ આપી શકે !!! ???

🎯 Writer : Prof.Dr.Vaibhavi Trivedi 

🎯 Matusri Shantaben arts College 

Attraction

            

"હું મારી અંદર સળગતો લાવા રાખું છું.
ચપળ વિચાર અને સૌમ્ય હ્રદય રાખું છું.

તમારી સાફ સુથરી દોસ્તી મંજૂર રાખું છું.
નફ્ફટાઈને અળવીતરાઈ અળગી રાખું છું." 

  

          મારા મગજમાં ખોટી માન્યતાઓને રોપવાની કોશિશ વ્યર્થ છે. કેમકે મેં મારી અલગ દુનિયામાં મારો ખુદનો બગીચો બનાવ્યો છે. એમાં હું વિચારોના 'બીજ' સ્વરૂપે તિખાર વાવું છું. સ્વાભાવિક છે કે હર એક ડાળખીએ ધગધગતો લાલ સૂર્ય ઊગે છે...

         જેમ કે, સૌર કિરણોત્સર્ગ આપણી આંખો સુધી પહોંચવામાં લગભગ 8 મિનિટનો સમય લે છે... તેથી, જ્યારે આપણે સૂર્યને ધ્યાનમાં લઈએ છીએ, ત્યારે તે ખરેખર આપણા આકાશમાં તેના પાટા પર આઠ મિનિટ આગળ હોય છે... કોઈપણ વ્યક્તિને સમજવી સહેલીતો નથી જ. હમેશાં સામેની વ્યક્તિ 7/8 ડગલાં આપણાં વિચારોથી આગળ ચાલતી હોય છે. કોઈને પણ, કોઈ એક ચોક્કસ કેટેગરીમાં ફીટ નથી કરી શકાતું...

         કોર્પોરેટ ઓફિસોમાં તમે જોશો કે અંદર રહેલા ટેબલની પહોળાઈ જનરલી 2/3 ફૂટની રાખવામાં આવે છે, અને રાઉંડ શેઈપનાં મોટા ટેબલ પર બેસીને ઓફિસર તમારી સાથે વાત કરે છે. એ એટલા માટે કે આપણે તેના પર્સનલ ઝોનમાં ન પહોંચી જઈએ. નહિતો જે કામ આપણે કરાવવું છે, તેની નહિવત શક્યતાઓ છતાં તે હામી ભરી ન દે માટે... કોઈનાં પર્સનલ ઝોનમાં વિચારોની આપ લે દ્વારા પણ પહોંચી શકાય છે. પછી તે રૂબરૂ હોય કે વર્ચ્યુઅલી...
     
         દરેક પ્રકારનું આકર્ષણ આપણને જુદા જુદા લોકો તરફ દોરી જાય છે અને આપણા વ્યક્તિત્વને ઘાટ આપવામાં મદદ કરે છે. રોમેન્ટિક આકર્ષણ, સૌંદર્યલક્ષી આકર્ષણ, શારીરિક આકર્ષણ, ભાવનાત્મક આકર્ષણ, બૌદ્ધિક આકર્ષણ આવા અનેકથી માનવ સ્વભાવની લાગણીઓ અને ભાવો જોડાયેલા છે...

📌 બૌદ્ધિક આકર્ષણ

     તમે “બૌદ્ધિક આકર્ષણ” શબ્દ પણ પહેલાં સાંભળ્યો હશે. આ પ્રકારનું આકર્ષણ તે એક પ્રકારનું આકર્ષણ છે જેના વિશે આપણે બોલ્યા નથી, પરંતુ તેનો અર્થ એ નથી કે તે ચર્ચા કરવા યોગ્ય નથી.

           બૌદ્ધિક આકર્ષણ એ વધુ મગજના સ્તર પર લોકો સાથે સંપર્ક કરવાની ઇચ્છાને સંદર્ભિત કરે છે. તમે જે મુદ્દાઓ પર ચર્ચા કરો છો તેના લીધે અથવા તેમની સાથે સમય પસાર કરવા માંગતા હો, અથવા કોઈ તમને નવી અને પડકારજનક રીતે વસ્તુઓ વિશે વિચારવા માટે પ્રેરીત કરી દે છે.

         કેટલાક લોકોને લાગે છે કે ભાવનાત્મક રૂપે આકર્ષિત થવા માટે કોઈની તરફ બૌદ્ધિકરૂપે આકર્ષિત થવાની જરૂર છે, પરંતુ તે દરેકના માટે એવું નથી. જુદા જુદા સંબંધોના વિવિધ લોકો આપણા જીવનમાં વિવિધ ભૂમિકાઓ અને જરૂરિયાતો ભરી શકે છે. તેના કડક બિન-શારીરિક સ્વભાવને લીધે, ઘણા લોકો બૌદ્ધિક આકર્ષણને ભાવનાત્મક આકર્ષણનું એક પાસું માને છે.

          આમ આકર્ષણ વિચારોનું પણ હોય છે, આકર્ષણ સ્વભાવનું પણ હોય છે. બધા આકર્ષણમાં વિકૃતિ નથી હોતી. એક સરખા વિચારો કે સ્વભાવ ધરાવતી વ્યક્તિ એકબીજાં સાથે સંવાદ દ્વારા જોડાય, એ healthy debate કહી શકાય છે. એ તમને નવી સફળતાની ઊંચાઈએ લઈ જઈ શકે છે. તમારી પારાવાર જાણવાની ઈચ્છાઓ ભરી શકે છે... 

     

🎯 Writer : Prof.Dr.Vaibhavi Trivedi 

🎯 Matusri Shantaben arts College 

 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....