Positivity

                  મોટા ભાગની વ્યક્તિઓને તમે પૂછશો કે વિચારસરણી કેવી હોવી જોઈએ !??? તો ફટ દઈને જવાબ આપશે કે ‘હકારાત્મક’.. તમે બીજો પ્રશ્ન પૂછશો કે તમે હકારાત્મક વિચારસરણી ધરાવો છો !??? તો શું જવાબ આપવો તેમાં મૂંઝાઈ જશે... મોટા ભાગની વ્યક્તિઓ પોતે કેવી વિચારસરણી ધરાવે છે તે બાબતે અજાણ હોય છે. ‘એન્ગઝાઇટી’, ‘ન્યુરોસીસ’, ‘પેનિક ડીસઓર્ડર્સ, ફોબિયા’ વગેરે જેવી માનસિક બીમારીઓમાં નકારાત્મક વિચારસરણી ખૂબ જ અગત્યનો ભાગ ભજવે છે અને આ નકારાત્મકતાને અવગણીને નિષ્ફળતા અથવા નકારાત્મક પાસાઓ વાગોળવાની ટેવ હોય, વાતનું વતેસર કરવાની આદત હોય, પ્રત્યેક વાતમાં પોતાની જાતને ઢસડી જવાની કે પોતાની જાતને દોષ દેવાની ટેવ હોય અને જે ખરેખર પોતાની સાથે જોડાયેલાં છે તેમનાં માટે કોઈ પણ વાતના તારણ ઉપર વિચાર્યા વગર ઝડપથી આવી જવાની આદત હોય, તેવી વ્યક્તિઓની વિચારસરણી મહદઅંશે નકારાત્મક હોય છે... ક્યારેક તેમની આ વિચાર પદ્ધતિ, ઉચાટ, અજંપો, હતાશા કે માનસિક તણાવનો અનુભવ કરાવી જાય છે ! માણસ નું મન બહુ ચંચળ છે : ક્યાં ક્યાં અને કેવા કેવા વિચારો કરે છે, તે કલ્પનાથી પણ પરે છે .... દરેકનાં ઝહેનમાં બ્લેક એન્ડ વ્હાઇટ ફેક્ટર બરાબર- બરાબર માત્રામાં એકબીજાં સાથે ઓતપ્રોત જ હોય છે : વ્યક્તિએ ખુદ નક્કી કરવાનું છે કે ક્યાં પાસા ને વધુ ઉજાગર કરવું !!! પોતાનાં માટે અને પોતની સાથે જોડાયેલ પાત્રો માટે શું લાભદાયક છે ..!! આપણી નકારાત્મકતા ને પણ કમ ન સમજવી, એ હંમેશા સારપ પર હાવી થવાં ઉમ્બાડિયા લેતી રહેતી હોય છે... પણ ! deep breath લઈ વિચારવું કે મારાં આવા સ્ટેપ થી કે વલણથી કે લખાણથી કે વિચાર માત્રથી એક્શન નું રિએક્શન કેવું કેટલું બૉજલ હોય શકે છે... કોઈ પણ વ્યક્તિ તેની પોતાની નકારાત્મકતા તમારામાં ત્યારે જ પ્રસરાવી શકે જયારે તે તમારાથી વધુ મજબૂત હોય. એટલા માટે જ અંતર્મુખી બનવાની પ્રક્રિયા તમને પોતાને બદલવાની પ્રક્રિયા છે, તમને મજબૂત બનાવવાની પ્રક્રિયા છે, કે જેથી કરીને આપણે હમેશાં આ બધી નકારાત્મકતાની અસરથી મુક્ત રહી શકીએ... જે લાગણીને આપણે હૃદયમાં ફૂટવા દઈએ છીએ, જે વિચાર આપણા મગજમાં સંઘરી રાખીએ છીએ, કોઈ પણ પરિસ્થિતિમાં આપણે જે પ્રત્યાઘાત પસંદ કરીએ, તે આપણી અંગત બાબત છે, તે એક બીજા પર આધારિત કે જોડાયેલું કે સંબધિત હોઈ શકે છે, પણ !! તે અંગત બાબત બની રહે છે. સાવધાન બનીએ, સજાગ રહીએ..... જો તમે કાયમ માટે નકારાત્મકતા અને ટિપ્પણીઓનો સામનો કરતા હોય તો, તમારી જાતને આ પરિસ્થિતિઓથી દુર કરી દેવી એ જ એક માત્ર પસંદગી રહે છે.....

👉 Writer : Prof.Dr.Vaibhavi Trivedi 

👉 Matushri shantaben arts college