Religion

               ધર્મનાં નામે ક્યારેય કોઈની લાગણી દુભાય એવા સ્ટટ્મેંન્ટસ આપવા ન જોઈએ... હરએક વ્યક્તિને પોતાનો ધર્મ અને તેનાં નિયમો પ્રિય હોય છે....

ભારત બિનસાંપ્રદાયિક દેશ છે, અહિં નાનપણથી એજ સંસ્કાર અને શિક્ષણ બાળકને આપવામાં આવે છે, કે સર્વ ધર્મ સમભાવ .... પણ !!! ધર્મ અને સંપ્રદાય વચ્ચે તફાવત છે. આપણે જે અગિયાર ધર્મોની વાત કરીએ તે વાસ્તવમાં સંપ્રદાયો છે. આ અગિયાર સંપ્રદાયોના નામ આ પ્રમાણે છે: (1) હિન્દુ, (2) ઈસ્લામ, (3) ખ્રિસ્ત, (4) યહુદી, (5) જરથોસ્તી, (6) શીખ, (7) જૈન, (8) બૌદ્ધ, (9) તાઓ, (10) શિન્તો અને (11) કોન્ફ્યુશિયસ..... ધર્મ આપણને જીવનમાર્ગ(Way of life) બતાવે છે, સાથે-સાથે ધર્મમાં તત્વજ્ઞાન જોવા મળે છે. જ્યારે સંપ્રદાયમાં વિધિ-નિષેધનું પ્રાધાન્ય હોય છે, વળી કર્મકાંડ વધુ પ્રમાણમાં રહે છે. ધર્મ વિશે વિચારીએ તો સંસ્કૃત શબ્દ ‘ધર્મ’ એ ‘ધૃ’ ધાતુ પરથી બનેલો છે. धृ धारयति ईति धर्म. જે ધારણ કરે છે તે ધર્મ છે. ધર્મ કોને ધારણ કરે છે? धर्मो धारयते प्रजा:. ધર્મ પ્રજાને ધારણ કરે છે. જેવી રીતે ગર્ભવતી સ્ત્રી ગર્ભ ધારણ કરે છે એટલે કે એક જીવને પોતાનામાં સમાવીને તેનું રક્ષણ-પોષણ કરે છે તેવી રીતે ધર્મ પ્રજાનું રક્ષણ કરે છે. धर्मो रक्षति रक्षित: જે પ્રજા ધર્મનું પાલન કરે છે તેનું રક્ષણ ધર્મ કરે છે...ગીતા આપણને બે ધર્મની વાત કરે છે: (1) સ્વભાવ અને (2) કર્તવ્ય.... ગીતા કહે છે, “चातुर्वर्ण्यम मया सृष्टम गुण कर्म विभागश:.” એટ્લે કે ચાર વર્ણ ધરાવતી આ સૃષ્ટિની રચના ભગવાને કરી છે અને મનુષ્યે પોતાના વર્ણ અનુસાર સ્વભાવધર્મનું અને આશ્રમ અનુસાર કર્તવ્યધર્મનું પાલન કરવું.... બધા ધર્મો એક જ વાત કરે છે, હાં માન્યતાઓ જુદી હોય શકે.... અમૃતસર સુવર્ણમંદીર માં પગ મૂકતા જ positive energy નાં વમળો આપણાં મન અને હૃદય ને તરબતર કરી દે છે, પરોઢિયે નીકળતી પ્રભાતફેરી, અહાહા, આહલાદક અને પવિત્ર... સુવર્ણ મંદીરમાં ગવાતા અરદાસ મારા હૃદયનાં તારને પરમ તત્ત્વ સાથે જોડે છે... ત્યાં રોજનાં દોઢ થી બે લાખ લોકો નું ભોજન તૈયાર થાય છે... એવી જ રીતે ચર્ચમાં પણ મને એટલી જ શાંતિ અનુભવાય છે, જેટલી અહિં રામકૃષ્ણ પરમહંસનાં આશ્રમમાં... સારી વસ્તુ બેજીજક સ્વીકારવાની હિંમત અને ત્રેવડ રાખવી જ જોઈએ.... તમે જાણો છો !!!! મુસ્લિમ સમુદાયમાં એકપણ વૃદ્ધાશ્રમ નથી.. પરિસ્થિતિ કેવી પણ હોય તેઓ પોતાના માઁ-બાપ ને પોતાની સાથે જ રાખે છે.... અરે ! આવી અજાયબી ભરી સારી વસ્તુઓ કેમ આપણે સ્વીકારી નથી શકતા !!!!??? કેમકે, આપણે ધર્મનાં નામે બણગાં ફૂંકવા માં રચ્યાંપચ્યાં રહીએ છીએ.... ચાર વર્ણ માંથી ચૉષઠ કરી, એને પણ વાડા બંધીનાં નામકરણો કરવા, એ જ કામ રહી ગયું છે શું !!!!????

👉 Writer : Prof.Dr.Vaibhavi Trivedi 

👉 Matushri shantaben arts college