GUPT NAVRATRI

🪔🔔 આજથી ગુપ્ત નવરાત્રીનો પ્રારંભ થયો છે.

📌 શું છે તેનું મહત્વ!? 

।। ॐ क्रीं कालिकायै नमः ।।

विश्वेश्वरीं जगद्धात्रीं स्थितिसंहारकारिणीम् । निद्रां भगवतीं विष्णोरतुलां तेजसः प्रभुः ।।

" જે આ વિશ્વની અધિષ્ઠાત્રી, જગતને ધારણ કરવા વાળી દેવી છે, સંસારનું પાલન અને સંહાર કરવા વાળી તથા તેજ સ્વરૂપ ભગવાન વિષ્ણુની અનુપમ શક્તિ છે, તેજ ભગવતી નિંદ્રાદેવીની બ્રહ્માજી સ્તુતિ કરવા લાગ્યા." 

સાત્વિક આહાર દ્વારા વ્રતનું પાલન કરવાથી શરીરની શુદ્ધિ, શુદ્ધ શરીરમાં નિર્મળ બુદ્ધિ, નિર્મળ અને શુદ્ધ બુદ્ધિથી જ સત્કર્મો, કર્મો દ્વારા સદાચાર અને અનુક્રમે મન શુદ્ધ અને શાંત થાય છે. 

ગુપ્ત સાધનાઓ માટે ગુપ્ત નવરાત્રી મહત્વપૂર્ણ માનવામાં આવે છે. તે શક્તિ પ્રાપ્ત કરવા અને અવરોધોનો નાશ કરવા માટેનું વરદાન પ્રાપ્ત કરવા માટે હોય છે. 

નવરાત્રિના પહેલા દિવસે માઁ કાલી, પછી માઁ તારા, માઁ ત્રિપુરા સુંદરી, ભુવનેશ્વરી દેવી, માઁ છિન્નમસ્તિકા, માઁ ત્રિપુરા ભૈરવી, માઁ ધૂમાવતી, માઁ બગલામુખી, માઁ માતંગી અને માઁ કમલાની પૂજા કરવામાં આવે છે.

નવરાત્રીના શુભ પર્વની શરૂઆત થઈ રહી છે! 

ગુપ્ત નવરાત્રી ખાસ કરીને તંત્ર સાધના અને આંતરિક સાધના માટે જાણીતી છે. 

તે વર્ષમાં બે વાર આવે છે - માહ અને અષાઢ મહિનામાં. આ સમય દરમિયાન માઁ દુર્ગાની દસ મહાવિદ્યાઓની (કાલી, તારા, ત્રિપુરાસુંદરી, ભુવનેશ્વરી, છિનનમસ્તિકા, ભૈરવી, ધૂમાવતી, બગલામુખી, માતંગી અને કમલા) પૂજાનું વિશેષ મહત્વ છે.

નવરાત્રિને પહેલે દિવસે ઘટસ્થાપન કરે છે અને દેવીનું આવાહન તથા પૂજન કરે છે. આ પૂજન નવ દિવસ સુધી ચાલે છે. નવમે દિવસે ભગવતીનું વિસર્જન થાય છે. કેટલાક લોકો નવરાત્રિમાં વ્રત પણ કરે છે. ઘટસ્થાપન કરનારા આઠમ કે નોમને દિવસે કુમારીભોજન પણ કરાવે છે. આ ભોજનમાં બેથી દશ વર્ષની ઉમરની નવ કુમારિકાઓ હોય છે. આ કુમારીઓનાં કલ્પિત નામ પણ છે. જેમકે, કુમારિકા, ત્રિમુર્તિ, કલ્યાણી, રોહિણી, કાલી, ચંડિકા, શાંભવી, દુર્ગા અને સુભદ્રા. નવરાત્રિમાં નવ દુર્ગામાંથી નિત્ય ક્રમવાર એક-એક દુર્ગાનું દર્શન કરવાનું પણ વિધાન છે.

ગુપ્ત રીતે સાધના કરવા માંગતા ભક્તો માટે આ સમય ખૂબ જ શુભ છે. નવરાત્રી દરમિયાન વ્રત ન કરતા હોય તો પણ અડદ દાળનું સેવન ન કરવા જણાવવામાં આવ્યું છે. 

આ નવરાત્રિમાં ખાસ કરીને હનુમાનજીની પૂજા ભૈરવજી અને મહામયી માઁ કાલીની આરાધના કરવાથી સાધકને શક્તિ, સિદ્ધિ અને આશીર્વાદ પ્રાપ્ત થાય છે.

🍀 લવિંગનું ધાર્મિક મહત્વ :

        તેનો ઉપયોગ ઘણી ધાર્મિક વિધિઓમાં થાય છે. લવિંગની તીખી અને સુગંધિત સુગંધ નકારાત્મક ઉર્જાને દૂર કરે છે અને સકારાત્મક ઉર્જાને આકર્ષિત કરે છે. એવું માનવામાં આવે છે કે દેવી દુર્ગાની કૃપા લવિંગમાં રહેલી છે. 

જો તમને કોઈ મંત્ર, પૂજા, જપ, તપ ન આવડતું હોય તો પણ ચિંતા ન કરો, બસ "જય માઁ કાલિકે" બોલો, આ જ તારણહાર છે! 🙏🙏🙏🌹

©️®️

🎯 Writer : Prof.Dr.Vaibhavi Trivedi 

🎯 Matusri Shantaben arts College 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....