Battle of existence and jurisdiction

 Writer : Prof.Dr. Vavibhavi Trivedi

રમતાં રમતાં લડી પડૅ ભૈ, માણસ છે!

હસતાં હસતાં રડી પડે ભૈ, માણસ છે!

પહાડથી યે કઠ્ઠણ મક્કમ માણસ છે!

દડ દડ દડ દડ દડી પડે ભૈ માણસ છે!

ચંદર ઉપર ચાલે ચપચપ, માણસ છે!

ને બે ડગલે ખડી પડે ભૈ, માણસ છે!

સૂર્યવશીંનો પ્રતાપ એનો, માણસ છે!

ભર બપોરે ઢળી પડે ભૈ, માણસ છે!

પૂજાવા ઝટ થયા પાળિયા, માણસ છે!

ટાણે ખોટું પડી-પડે ભૈ, માણસ છે!

                                    --જયંત પાઠક 

          Lockdown નું જ્ઞાન સ્વયંમ સ્ફુરીત થાય, એના જેવો અનુભવ માણસે સદીમાં ક્યારેય નહીં કર્યો હોય.... કોઈપણ પરિસ્થિતિમાં હામ ભીડી આગળ વધવા કે મુશ્કેલીઓનો સામનો કરવા માણસ પોતાની જાતને  ઇવ અને આદમ નાં સમયથી તૈયાર જ તો કરી રહ્યો છે... લડે - આખડે - પડે ફરી ઉભો થાય, બસ લડવાનું છે અસ્તિત્વની લડાઈ છે...

        

         લડાઈ કોઈપણ પ્રકારની હોય, શકિત, સામર્થ્ય, વર્ચસ્વ અને અધિકારક્ષેત્ર આ બાબતો વડે જ દુનિયા ચાલે છે... સત્ય-અહિંસા તો ગાજરની પીપુડી સમાન છે... દાન,દક્ષિણા, સત્સંગ કરવાથી કોઈ પુણ્યનું ભાથું તૈયાર થતું નથી કે દુનિયા ચાલતી નથી ! અથવા ચાલે પણ છે... બધાએ પોતાનો હક સામ/દામ/દંડ/ભેદ ની નીતિ અપનાવી મેળવવો પડે છે, એજ આપણું અધિકારક્ષેત્ર છે...  સાડા પાંચ હજાર વર્ષ પૂર્વે શ્રી કૃષ્ણએ અર્જુન ને જે જ્ઞાન પ્રાપ્ત કરાવ્યું તે કોઈ એક ઇત્તફાક નથી... એ સોચી સમજીને લેવાયેલા હક્ક/અધિકારક્ષેત્ર માટેની લડાઈની જ તો વાત છે... અર્જુનનાં સંસ્કારો એના આડે આવતા હતા : એ એક ડગલું પણ ભરીને પોતાના ગુરુઓ, પોતાના કાકા કે ભાઈઓ વિરુદ્ધ ફક્ત હસ્તિનાપુર મેળવવા કઈ રીતે લડે !!!???? પણ ! એ થયું, કેમ કે એ નિયતિ હતી, હક્કની લડાઈ... કુરુક્ષેત્રમાં 1️⃣8️⃣ દિવસ ચાલેલા મહાભારતનાં યુદ્ધમાં 1️⃣8️⃣ અધ્યક્ષો, 1️⃣8️⃣ ગુરુઓ અને પરિવારના સભ્યો દ્વારા આયોજિત આ યુદ્ધનો અંત પણ બધાને ખબર જ હતી તેમ છતાં તે થયું, અંતમાં યુદ્ધ જીતેલા સદસ્યોની સંખ્યા પણ 1️⃣8️⃣ જ હતી... શ્રીમદ ભાગવતનાં અધ્યાય પણ  1️⃣8️⃣ !! બહુ રહસ્યમય અને ચૈતસિક શક્તિઓથી ભરેલો છે આ 1️⃣8️⃣ નો આંકડો... 

              

               હવે 🔟 હજાર વર્ષ અગાઉ જઈએ તો શ્રીરામ ભલે મર્યાદા પુરુષોત્તમ કહેવાયેલા, પણ !  તેમણે પણ દશાનનને હરાવવા છલ કપટ થી જ તો વાનરરાજા બલીને મારીને તેનું સૈન્યબળ લીધેલું...  કેમકે લડાઈ આખરે વર્ચસ્વની જ હતી... 

                સાંપ્રત સમયની વાત કરીએ તો પોતાના હક્કને પડાવી કે જીતી કે પામી લેવા માટે જ તો પૃથ્વી હજી સુધી પ્રદક્ષિણા ફરે રાખે છે... નહીંતો ક્યારનીય બ્લેકહોલમાં ન સમાઇ ગઈ હોય !!?  "કરો તેવું પામો" અથવા " નેકી કર દરિયા મેં ડાલ" આવી કહેવતો એમજ નથી બની, બહુ મોટું તથ્ય છે તેની પાછળ... 

             નાના નાના ભાઈ બહેનો, કાકા બાપા નો હોઈ, મામા માસી કે મામા ફોઈ !! કોઈપણ ! નાના હોય ત્યારે એકબીજા વગર ચાલતું નથી. એકબીજા માટે ત્રાહિત સાથે લડી લેવા હરદમ તૈયાર....  જેવું બચપણ પૂરું થાય થોડી સમજ આવવા લાગે એટલે મારું - તારું થવા લાગે. એકબીજા માટે લડતા એ હવે એકબીજા સાથે લડવા લાગે, કોઈની વાતોમાં આવી અથવાતો પોતાની સમજ જે દિશામાં લઈ જાય એ પ્રમાણે  વર્તન થતું હોય છે, કેમકે મન વર્ચસ્વની લડાઈ સમજી લે છે. આખી દુનિયા આમ જ ચાલે છે... આ બ્લડી માઈન્ડગેઇમ છે સાલી... સમજથી પરે... ચાલે, ચાલ્યા જ કરે !!!

              

"અહીં પહોંચ્યા પછી, એટલું સમજાય છે. 

કોઈ કંઈ કરતું નથી ! આ બધું તો થાય છે." 

            એક વાત છે, મનુષ્યને ઈશ્વરે મગજ આપ્યું 100 ટકા કાર્યરત, પછી મનુષ્યએ એનાં પર પોતાનો હક્ક જમાવવાનું ચાલુ કર્યુ, એટલે થયું એવું કે મગજની કાર્યરત ક્ષમતાઓ ઘટવા લાગી... 80 / 50 / 30 / 10 અને હવે ફક્ત 2 જ ટકા રહી ગઈ.... કરો વાત !! આટલા પ્રમાણનાં એક્ટિવ માઈન્ડમાં કેટકેટલું સમાવવું !!?  ક્રિએટિવ તો કાંઈ થઈ શકે એવું છે ખરું !!?  મનુષ્યે આંગળી એકબીજાને ચીંધવાનું ચાલુ કર્યું ફક્ત પોતાના satisfaction માટે જ તો વળી... બધા એકબીજાની વાતોમાં આવી એકબીજાને સાથ આપવા લાગ્યા.. પત્યું !! આનું સમાધાન કે Clarification તો વૈકુંઠમાં પણ નથી... આજે ઈશ્વર પણ ગોટે ચઢ્યો છે કે, સાલું !! આ લોકો દિલનું સાંભળે છે કે દિમાગનું !?  Don't worry God Sir ; બધું બરાબર થઈ જશે, કેમકે માણસ સંસારીક રમત બહુ સરસ રમતા શીખી ગયો છે, એ પણ શતરંજની... ક્યાં કઈ ચાલ ચલાવી અને બાજી પલટાવી નાખવી એ બધું બખૂબી કરી શકે છે, પછી ભલે માત પોતાને જ મળે....

આખરે આ મેદાન પણ વર્ચસ્વ અને અધિકાર ક્ષેત્ર નું જ ખરું ને... દયા, કરુણા, પ્રેમ, અને એ પણ નિઃસ્વાર્થ ભાવે !!? આ બધા શબ્દો કઈ ડિક્શનરીમાં આવે છે ભઈ !?  પણ ! જ્યાં સુધી કોઈના મૃત્યુમુખ કબ્જામાં તે ના આવે ત્યાં સુધી તો કેમ સમજાય ! 

             આ 2020 એટલે કોરોનાકાળ, કોઈ નથી બચી શક્યું આ ભયમાંથી, આ ભયાનક માહોલ માંથી... સિટ્ટી પીટ્ટી ગુલ થયેલી પડી છે બધાની. આ કુદરતી કહેર સામે કઈ ચાલાકી ન ચાલે. દોરા ધાગા કે મન્નત ન ચાલે બહુ ભગવાન ભગવાન કરતા હોય કે positivity કે negativity કે mind of peaceની ડંફાંસો ઝીકતા હોય તે પણ ઘરમાં ઘુસીને પડ્યા છે.... કેમકે ફરી બેઠું થવું છે, ફરી જીવન ધબકતું કરવું છે, આ અર્થતંત્રની જે વાટ લાગી છે, એમાંથી ફરી ઉજ્જળ ભવિષ્ય તરફ પ્રયાણ કરવું છે... નથી થાકતો અને થાકે તો એને માણસ ન કહેવાય.... હવે ઈશ્વર કલ્કિ અવતારનું કોઈ રૂપ ધારણ નહિ કરે પણ એ રીતે કરેલા કર્મો, દુરમતીઓનું બેકબાઉન્સ થશે, ત્યારે કદાચ માનવજાતિને સમજાય ! એવું બને....

     

        

👉 તમારા અભિપ્રાય જરુર જણાવશો... 🙏

©® Prof.Dr. V.K.Trivedi 

 👉  Divinity35.blogspot.com 

👉Notice📖

The translator is configured on the web version for your convenience, so that you can translate and read your favorite articles in your native language.....