FACEBOOK

              Writer : Pro.Dr. V.K.Trivedi

         ફેસબુક ઈન્ટરનેટ પર એક સોશિયલ નેટવર્કિંગ સાઈટ છે. જેના વડે લોકો પોતાના મિત્રો,પરિવાર અને જાણીતા લોકો સાથે સંપર્ક રાખી શકે છે. 

એ ફેસબુક, ઇન્ક. નામની કંપની એનું સંચાલન કરે છે. આ સાઈટ ની શરૂઆત ૨૦૦૪ માં હાવર્ડ યુનિવર્સીટીના એક વિદ્યાર્થી માર્ક ઝુકરબર્ગ એ કરી હતી. ત્યારે એ સાઈટ નું નામ "ધી ફેસબુક" હતું. શરુઆત માં આ સાઈટ માત્ર હાવર્ડ કોલેજના વિદ્યાર્થી પુરતી સીમિત હતી, પછી તેમાં બીજી યુનિવર્સિટીને પણ જોડવામાં આવી... આ સાઈટ ખુબ ઝડપથી લોકપ્રિય બની ને થોડા જ મહિનામાં આખા અમેરિકાના શિક્ષણ જગતમાં જાણીતી બની ગઈ. ઓગસ્ટ ૨૦૦૫ માં તેનું નામ ફેસબુક રાખવામાં આવ્યું. અને ૨૬ સપ્ટેબર ૨૦૦૬ માં આમ જનતા માટે ખોલવામાં આવી..... 🙃😉

        

              આ ઉપરાંતની કહી શકાય એવી માહિતીઓનો અખૂટ ભંડાર આપણાં બધા પાસે છે જ, એમાં નવાઈ નથી, આપણાં ફેસબૂક સમુદાયે તો ઝુકરને પણ ઘણી બધી બાબતોમાં ધોબી-પછડાટ આપી છે... લોકો ખૂબ સરસ રીતે ખૂબી પૂર્વક પોતપોતાના ઝોનની કેટેગરીઝમાં ગોઠવાઈને પોતાનું કાર્ય કરે છે... 

🖥 અહીં મેં વિહંગાવલોકન કરી સિંહાવલોકન કર્યું તો થોડાક તથ્યસભર અવલોકનો સામે આવ્યા... 

👉 અમુક લોકો એવું વિચારે છે કે, ફેસબુક પર માત્ર અને માત્ર એવા જ લોકો હોય જેમની પાસે કોઈપણ પ્રકારનું કામ નથી, એટલે ફેસબૂક પર સમય પસાર કરે છે...

👉 અમુક લોકો પ્રખર રાજકીય, ધાર્મિક, સામાજિક, જ્ઞાની હોવાને નાતે પહાડ જેવડા બોજ હેઠળ દબાયેલા છે, જે બીજા પર દોષારોપણ કરી પોતાનું જ્ઞાન લાદવાની આકરી કોશિશ કરતા હોય છે. ખૂબ લાંબી, અટપટી અને ઊંડાણપૂર્વકની ક્યાંય ન પહોંચનારી દલીલો__,,, ઓહહ! 

👉 કોઈ એકબીજા ને ફક્ત અને ફક્ત નીચા દેખાડવાનો પ્રયાસ જ કરતા રહે છે, તો કોઈ વિચારે છે, કોનો use કેવી રીતે થઈ શકે છે. 

તો બીજી તરફ કોઈ પોતાની અલમસ્ત વિચારોની દુનિયામાં ખોવાયેલ છે...

👉 Upper level intelligencer લોકો જે ખરેખર અમુક લેવલને પાર કરેલા સંશોધનાત્મક વિચારોને જ રજૂ કરે છે, જે ખરેખર કાબીલેતારીફ છે... જેમની સાથે વિચારોની આપ-લે સ્વસ્થ મનથી થાય છે... નવું નવું જાણવા મળે છે, જેને આપણે હેલ્ધી ડિબેટ કહી શકીએ.... 

👉 હવે એક એવો પ્રકાર છે જેમની પ્રોફાઈલ વિઝિટ કરીએ તો પણ, કાજળની કોઠરીમાં જવા જેવી અનુભૂતિ થાય.. અને ભૂલથી જો ફ્રેન્ડ બન્યાં તો, કાળો દાગ લાગ્યા વગર રહે નહીં... 

👉 અહીં મેં અમુક સ્ત્રીઓને સ્ત્રીઓની બુરાઈ કરતા જોઈ છે, જે ખરેખર દુઃખદાયક લાગ્યું... 

અમુક સ્ત્રીઓને સચ્ચાઈ માટે લડતા જોઉં, તો બીજી તરફ સ્ત્રીઓ પુરુષોને હંફાવે એવી જોબ, ઘર, પરિવાર અને મિત્રો સાથે સામંજસ્ય સાધીને દુનિયા જીતવા માટેના સપનાઓ જોતી જોઉં ત્યારે respect થાય... 

👉 અમુક લોકો એટલા બધા નિર્મળ, સ્વચ્છ મનના અને કાંચ જેવા હોય છે, તેવા લોકો અહીં જેમની પોસ્ટ કે આર્ટિકલ સારા લાગે તો appreciate કર્યા વગર રહે નહીં... એમાંય ખાસ કરીને જ્યારે એક હોદ્દા પર પહોંચેલા લોકો, એક મુકામ હાંસિલ કરી લીધા પછી જ્યારે આટલી વિનમ્રતા બતાવે ત્યારે ખરેખર મારા માટે તે જેટલી ઊંચાઈએ હોય એનાથી પણ મૂઠી ઉંચેરા માણસ હોય છે... 

👉 અમુક લોકો દ્વારા જે નાત જાતના ભેદભાવ અથવા કોઈપણ એક ધર્મની ઘસાઈ ગયેલી વાગ્યા કરતી રેકર્ડની જેમ ઝંડા ઊંચાની પ્રોફાઈલથી હું જોજનો દૂર રહેવાની કોશિશ કરું.

મને બધા ધર્મો પ્રત્યે માન છે. મહાકાલી મારા રોમ રોમમાં છે મને જીવવા માટેનું બળ પૂરું પાડે છે, તો સુવર્ણમંદિરમાં ગવાતી अरदास અને વહેલી પરોઢે નીકળતી પ્રભાત ફેરીથી જાણે વાતાવરણમાં આધ્યાત્મિક મીઠાશ પ્રસરી જાય છે, જે મને હૃદયથી આકર્ષે છે, તો સૂફી સંગીત મારા મનનો તાર સીધો ઈશ્વરીય તત્ત્વ સુધી જોડે છે.. બંગાલી ભાષા એટલી મીઠ્ઠી લાગે, તો પારસી ખૂબ નમકીન અને ઉર્દૂ, સંસ્કૃત એટલી જ soulful લાગે... 

👉 હવે, લવરિયાઓની એક આખી દુનિયા અહીં વસેલી છે, એમના માટે કઈ કોમેન્ટ ન કરાય અને તેમને છંછેડવાની કોશિષ પણ ન કરાય.... Street talk કરી ખોટા કોઈને બદનામ કરવા એના કરતાં મારું માનવું એવું છે કે "सवारी अपने सामान की खुद जिम्मेदार है।" 

     બસ, બહુ ઊંડું સંશોધન કરવા જઈએ તો આખો ઉપન્યાસ રચાય... કેમકે આ એક વળગણ છે. ફોનથી દૂર રહેવું તે આજના સમયમાં ખૂબ જ અઘરું છે અને જો તમે તણાવ અને એકલતાના રોગથી દૂર રહેવા માગો છો તો તમારે ફોનથી થોડો સમય દૂર રહેવાની આદત પાડવી પડશે. ઘણી વખત સોશિયલ મીડિયા પર અન્ય લોકોના એન્જોય કરતા હેપ્પી ફોટો જોવાથી પણ લોકો હેરાન થઈ જતા હોય છે. જો તમે sensitive person છો તો, પોસ્ટ પર આવતી positive or negative કોમેન્ટ્સ તમારો આખો દિવસ સારો યા તો ખરાબ બનાવી શકે છે... સોશિયલ મીડિયા પર તમે જે લોકોને તમારા સાચા મિત્રો માનો છો તે લોકો તમારા મિત્રો નથી, આ આભાસી દુનિયા છે અને આ પણ એકલતાનો ભોગ બનવાનું એક કારણ છે, જે ડિપ્રેશનને નોતરે છે... 

👉Notice📖

The translator is configured on the web version for your convenience, so that you can translate and read your favorite articles in your native language.....