Intresting fact about pakistan

"जैसा देस हे तेरा हो, ऐसा देस हे मेरा।" 

          એક શરીરનાં બે અલગ થઈ ગયેલા ભાગ.. ભારત/પાકિસ્તાન.. એક જ સરખી સંસ્કૃતિ, એક સરખા તહેવારો, એક સરખા મૌસમ, કુદરતી સૌંદર્ય અને એક જ સરખા માણસો... શું ધર્મ જુદા જુદા હોવાથી માણસની માણસાઈ મરી પરવારે છે!!!  નાં, માણસાઈ તો જીવે છે પણ! વચ્ચે અહમ્, દુર્બુદ્ધિ, કટ્ટરવાદ, અને ધાર્મિક/રાજકીય રંજીશો આવી જતાં દુર્ગતિ થાય છે તે વાસ્તવિકતા છે. 

          શું મળ્યું અખંડ ભારતને ખંડિત કરીને !!?? --આતંકવાદ !! બેકારી !! ગરીબીમાં સળી સળીને મરી જતો માણસ !! બળાત્કાર, લવ-જેહાદનાં વધતા કિસ્સાઓ !!! જળમૂળથી ખતમ થઈ રહેલી સંસ્કૃતિ !!! જોકે આતંકવાદ એ હવે વૈશ્વિક સમસ્યા છે. મંદીએ પણ આખા વિશ્વમાં અજગરી ભરડો લીધો છે. તો પણ !! મારું કહેવું એટલું જ છે કે, સારી અને સાચ્ચી વસ્તુઓ સાચવવાની જવાબદારી પણ આપણી છે. છેડો ફાડી નાંખવાથી સમસ્યા હલ નથી થતી... 

          મારો એક જ ફંડા લાઈફ માટે રહ્યો છે, વિશ્વની તમામ પ્રકારની વસ્તુઓ જે હ્રદયને સ્પર્શે છે, તે વખાણવા લાયક છે, Simple.... 

એ પણ માનું જ છું કે ખરાબ તત્ત્વોનો ખાત્મો ખૂબ જરૂરી છે જ નહિતર એ ઊધઈની જેમ મૂળિયાં કોતરી ખાશે...

            અહીં વાત ભારત/પાકિસ્તાનની જ કરવી છે, તો મુદ્દાસર કરીએ.... જૂના દસ્તાવેજો અનુસાર, જિન્નાનો જન્મ 20 October 1875 માં થયો હતો.  👉 સરોજિની નાયડુએ લખેલી જિન્નાની જીવનચરિત્ર મુજબ, જીન્નાનો જન્મ 25 ડિસેમ્બર 1876 માં થયો હતો, જેને જિન્નાની સત્તાવાર જન્મ તારીખ માનવામાં આવે છે.

       પૂંજાના સાત બાળકોમાં જિન્નાહ, મીઠીબાઈ અને જિન્નાભાઇ મોટા હતા.  તેમના પિતા જીણાભાઇ એક કુશળ ગુજરાતી ઉદ્યોગપતિ હતા, પરંતુ જિન્નાના જન્મ પહેલાં તેઓ કાઠિયાવાડ છોડીને સિંધ સ્થાયી થયા હતા. કેટલાક સ્રોતો અનુસાર, જીણાના પૂર્વજો હિન્દુ રાજપૂતો હતા, જેમણે ઇસ્લામ સ્વીકાર્યો હતો. આ મતભેદ ભરેલા લખાણો છે... 

         જિન્નાની માતૃભાષા ગુજરાતી હતી, પાછળથી તે કચ્છી, સિંધી અને અંગ્રેજી ભાષાઓ શીખ્યા.. કાઠિયાવાડથી મુસ્લિમ બહુમતીવાળી સિંધમાં સ્થાયી થયા પછી જિન્ના અને તેના ભાઈ-બહેનોએ મુસ્લિમ નામકરણ મેળવ્યું હતું. 

  

          

        ૧૫ ઓગસ્ટ, ૧૯૪૭ ની અડધી રાતે ભારત અને પાકિસ્તાન કાનૂની રસમથી બે સ્વતંત્ર રાષ્ટ્ર બન્યા. પાકિસ્તાનની સત્તા પરિવર્તનની રસમ ૧૪ ઓગસ્ટે કરાંચી શહેરમાં કરવામાં આવી, જેથી છેલ્લા બ્રિટિશ વાઇસરોય લુઇસ માઉંટબૈટન કરાંચી અને નવી દિલ્લી બન્ને જગ્યાની વિધીમાં ભાગ લઇ શકે. આથી પાકિસ્તાનનો સ્વતંત્રતા દિવસ ૧૪ ઓગસ્ટ અને ભારતનો ૧૫ ઓગસ્ટે મનાવવામાં આવે છે.

         ભારતના વિભાજનથી કરોડો લોકોના જીવન પર અસર થઇ. વિભાજન દરમિયાન થયેલી હિંસાની હોળીમાં આશરે ૫ લાખ લોકો માર્યા ગયા, અને આશરે ૧.૪૫ કરોડ શરણાર્થિઓએ પોતાના ઘર-બાર છોડીને પોતાના સંપ્રદાયની બહુમતિ વાળા દેશમાં શરણ લીધી; જેમ કે, ઘણા મુસ્લિમો પાકિસ્તાન ગયા જ્યારે ઘણા હિન્દુ અને શીખ લોકો પાકિસ્તાન છોડી ભારત આવ્યા. 

            ગાંધીજીએ એકવાર કહેલું કે, મને બે વાતનો વસવસો આજીવન રહેશે. એક હું મારા મોટા દિકરાને ન સમજાવી શક્યો, જ્યારે તેણે ઇસ્લામ ધર્મ અપનાવ્યો અને એક જિન્નાને ન સમજાવી શક્યો જ્યારે તેમણે અલગ પાકિસ્તાનની માંગ કરી... 

         ફક્ત 37 કિલોના જિન્ના કેન્સર રોગથી પીડાતા હતા, ભાગલા પછી તેઓએ PM બનવાની જવાબદારીથી આ જ કારણસર મોં ફેરવ્યું, અને લિયાકત અલી ખાનને આ પદ સોંપ્યું. અહીંથી તેઓ મકડીની ઝાળમાં ફસાતા ગયા.. આઝાદી પછી ફક્ત 60 દિવસમાં તેઓ મૃત્યુ પામ્યા હતા... આખરી સમયમાં તેઓ બીમાર હતા ત્યારે ગંદા રાજકારણના ભોગ બન્યા હતા, તેમની બહેન ફાતિમાંએ પોતાનાં  પુસ્તક "My Brother"માં આ બધી ઘટનાઓનું બેબાક વર્ણન કર્યું છે. આ જ કારણો સર તેમનાં પુસ્તકને છેક 1947 થી લઈ 1987 માં publish કરવાની પરવાનગી આપવામાં આવી હતી...

        પાકિસ્તાની સંસ્કૃતિ ખૂબ વૈવિધ્યપુર્ણ છે. તેના historical, ભૌગોલિક અને વંશીય વિવિધતાને કારણે, પાકિસ્તાનની સંસ્કૃતિ ભારતીય, પર્સિયન, અફઘાન, મધ્ય એશિયન, દક્ષિણ એશિયન અને પશ્ચિમી એશિયન પ્રભાવોનું ગલનશીલ વાસ કહી શકાય એવી છે...

       પાકિસ્તાનમાં 15 થી વધુ મોટા વંશીય જૂથો છે, જે શારીરિક સુવિધાઓ, ઐતિહાસિક બ્લડલાઈન, રિવાજો, ડ્રેસ, ખોરાક અને સંગીતથી ભિન્ન છે. તેમાંના કેટલાકમાં પંજાબીઓ, સિંધીઓ, બલોચ, પખ્તુનો, કાશ્મીરીઓ, હજારો, મકરની અને બાલ્ટીસનો સમાવેશ થાય છે, જે સિંધુ ખીણ જેવા ઘરોની નજીકથી અથવા આફ્રિકા અથવા તિબેટ સુધીના વિસ્તારોમાંથી આવે છે.  પ્રાચીન વંશીય તત્વો સિવાય ઇસ્લામના ધાર્મિક પ્રભાવે પણ પાકિસ્તાની સંસ્કૃતિને આકાર આપ્યો છે, કારણ કે તે પ્રથમ AD 700 માં આ પ્રદેશમાં આવ્યો હતો...

      લોકો મૈત્રીપૂર્ણ છે, પરંતુ લિંગ અલગતા હજી પણ અસ્તિત્વમાં છે. લુહાર લોકો લુહારીકામ જ્યાં કરતા અને તે ખૂબ વખણાતું, તે શહેર લાહોર તરીકે ઓળખાયું...  ઇસ્લામિક અને આદિવાસી ભાષાના પ્રભાવને કારણે પાકિસ્તાનના બિન-શહેરી વિસ્તારો લિંગ અલગતાવાદ વિભિન્ન સ્તરોની છે, જ્યારે મોટા શહેરોમાં પણ પુરૂષો અને સ્ત્રીઓ વચ્ચે ક્રિયાપ્રતિક્રિયા દ્રષ્ટિએ રૂઢિચુસ્ત અપેક્ષાઓ હોય છે. યુગલો સામાન્ય રીતે નોન-પ્લેટોનિક રીતે જાહેરમાં આલિંગન અથવા ચુંબન કરતા નથી. તે ધ્યાનમાં લીધા વિના, પાકિસ્તાનની જનતા મદદગાર, મૈત્રીપૂર્ણ, પહોંચી શકાય તેવા અને નમ્ર છે, એક આખા બદનામ જૂથને બાદ કરતાં.... 

        પાકિસ્તાનીઓને સંગીત સાંભળવું અને બનાવવું ગમે છે. વિવિધ સંસ્કૃતિએ પાકિસ્તાની સંગીતકારોને ભાષાઓ અને સાહિત્યની સાથે ઘણાં વિવિધ કાવ્યાત્મક સ્વરૂપો અને શૈલીઓનો પર્દાફાશ કર્યો છે. કવ્વાલી અને ગઝલ એ રાષ્ટ્રના શ્રાવ્ય ખજાના છે.  તેના આધારે, કોક સ્ટુડિયોની જેમ, પાકિસ્તાની ટીવી શો, બિન-પાકિસ્તાનીઓથી લઈને બિન-ઉર્દૂ સ્પીકર્સ સુધી, આંતરરાષ્ટ્રીય અને સ્થાનિક સ્તરે લાખો ચાહકોને એકત્રિત કરી રહ્યો છે. રાષ્ટ્રએ નુસરત ફતેહઅલી ખાન અને ફૈઝ અહમદ ફૈઝ જેવા કવિઓ જેવાં સુપ્રસિદ્ધ ગાયકો પણ બનાવ્યા છે, રૂના લૈલા, અબિદા પરવીન, સલમા  આગા, જેમણે લોકોની સંસ્કૃતિ અને સામૂહિક અંતરાત્મા પર જબરદસ્ત પ્રભાવ છોડી દીધો છે. સમકાલીન સંગીતકારો પણ આધુનિક શૈલીઓ સાથે રમે છે અને ઉર્દૂ ભાષામાં બ્લૂઝ, ફંક, રોક અને જાઝના ફ્યુઝન વિકસાવે છે... 

  

    

         👉 हम तेरे शहर में आए हैं मुसाफ़िर की तरह। 'ગુલામ અલી' ની આ ગઝલ મારી જાન કાઢી નાખે એટલી બધી પ્રિય છે. તો 'રાહત ફતેહ અલી ખાન' પણ પાગલ કરી દે એવા ખૈરખાઁ... 'આતિફ અસલમ'   ન્યુ જનરેશનને હક્કાબક્કા કરી જતો રહ્યો પોતાનાં દેશમાં, અથવા તગેડી મૂક્યો એમ પણ કહી શકાય એમાં કંઈ વાંધો નહીં... દિગ્ગજ ફવાદ ખાનની એક્ટિંગ સ્કીલ ભલભલાને પાણીચું કરાવી દે એવી છે એમાં બેમત નથી. પોણા ભાગની એક્ટિંગતો એ પોતાની આંખોથી જ કરી જાણે છે, સલમાન ખાનની જેમ જ... 

           સબા ક્મર, માહીરા ખાન, સજલ અલય, મહેવીશ હયાત, સનમ બલોચ, આયેઝા ખાન મારી ગમતી અભિનેત્રીઓ છે. એમની ડ્રેસિંગ સેન્સ કાબીલે-તારીફ છે. પાકિસ્તાની સંસ્કૃતિનાં outfit અને jewellery નું બારીક વર્ક હું આંખો પહોળી કરીને જોતી હોઉં... 

         ત્યાંની સિરિયલ્સ ખાસ્સી લોકપ્રિય થયેલી જ્યારે "ઝિંદગી" ચેનલનાં માધ્યમથી ભારતમાં પ્રસારિત કરવામાં આવી.. આજે પણ હું મને ગમતી સિરિયલ્સ Youtube અથવા આરી ડિજિટલ પર જોઉં છું. કેમકે એ મને ગમે છે. 

👌 जिंदगी गुलजार है। 

👌 दास्तान 

👌 हमसफ़र 

👌 कितनी गिरहें बाकी है। 

👌 मेरे पास तुम हो। 

👌 चिंख

👌 बेहद

👌 मात

           ત્યાંના ડ્રામામાં એક સચ્ચાઈ છે, ઓરિજિનાલિટી છે... 25/30 episodesની જ સિરિયલ હોય છે. કોઈ જાતની લાંબી ખેંચતાણ નહીં. ત્યાં ફઈ-મામા-માસીની દીકરીઓ સાથે સગપણ કરવાનો રિવાજ વર્ષોથી રહ્યો છે, પણ! હવે લોકો જાગૃત થયા છે એટલે આવા સગપણથી બાળકો રોગિષ્ટ પેદા થાય છે અને બીજા અનેક થતા ગેરફાયદઓથી પ્રજાને આ માધ્યમ દ્વારા માહિતગાર કરાય છે. સચોટ, તથ્યસભર કથાઓ સ્ત્રીઓની અપાર વેદનાનો ભાર બિલ્કુલ અનુભવાય છે, સાસ-બહુ નોકજોક ત્યાં પણ છે, પણ હલ્કી કક્ષાની નહીં, મીઠી નોકજોક છે.. 

કોઈ વધારે પડતાં ડાયલોગ્સ કે background music માથામાં હથોડા નથી ઝીંકતું... શાંત માહોલમાં ચારેકોર પ્રસરેલો ભય દરેકના ઝહેનમાં ઘર કરી ગયેલો વર્તાય છે. ઘાયલ કરી દે એવા ઉર્દૂ અલ્ફાઝ જકડી રાખે છે. મોટી હવેલીઓમાં પાકિસ્તાની ફર્નિચર અફલાતૂન હોય છે...

          દિલને સ્પર્શી જવું તે આપણાં હાથમાં નથી. એ એક અલૌકિક વાઈબ છે, જેનાથી ગ્રે શેઈડેડ લોકો પણ નથી બચી શકતા તો આપણેતો ઈશ્વર/અલ્લાહનાં પાક પાશિંદાઓ છીએ, આ આકર્ષણથી ક્યાંથી બચી શકીએ... એટલે જ ભારતમાં હજી પણ કરાચી હલ્વો અને નાનખટ્ટાઈ ખૂબ ફેમસ છે.. પાકિસ્તાનમાં હજી બોમ્બે બેકરી ચાલુ છે અને તેની આઈટમ લોકપ્રિય છે... મસ્જિદમાં મન્નતો પૂરી ન થતાં તેઓ બોર્ડર પર આવેલું મંદિર -હિંગળાજ માતાને માથું નમવવા આવે છે. જ્યારે આપણાં ઈશ્વર, માનેલી માનતા નથી સંભળતા ત્યારે લોકો અજમેર શરીફની દરગાહ પર ચાદર ચઢાવવા માટે પણ જાય છે... માનવ મન ચંચળ છે, મનની મુરાદ પૂરી કરવા માણસ કાંઈ પણ સંભવ કોશિશ કરી લે છે, ત્યારે મારા તારા ધર્મનો ભેદભાવ રહેતો નથી... 

           ત્યાંના પંજાબ પ્રાંતના પટોહર ઉચ્ચપ્રદેશમાં આ કટાસ રાજ મંદિર  આવેલું છે. કહેવાય છે કે શિવજીએ તેમની પત્ની સતીના મૃત્યુ પછી પૃથ્વી પર અશાંત થઈને ભટક્યા હતા , અને અહીં આવેલ મંદિરોના તળાવની રચના તેમના આંસુઓમાંથી થઈ હતી . આ તળાવ બે કનાલ અને 15 મરલાનો વિસ્તાર ધરાવે છે, જેની મહત્તમ ઊંડાઈ 20 ફૂટ છે. 

          

        ગુરૂદ્વારા પંજા સાહિબ પાકિસ્તાનના હસન અબ્દાલ ખાતે આવેલ એક પ્રખ્યાત ગુરુદ્વારા છે. શિખ ધર્મના સ્થાપક , ગુરૂ નાનકના હાથની છાપ ગુરુદ્વારામાં એક પથ્થર પર અંકિત હોવાનું માનવામાં આવે છે, તેથી આ મંદિરને ખાસ કરીને મહત્વપૂર્ણ માનવામાં આવે છે. ભારતથી ઘણા લોકો ત્યાં દર્શનાર્થે જે તે નિયત કરેલા સમયે જાય છે. 

©️®️

🎯 Writer : Prof.Dr.Vaibhavi Trivedi 

🎯 Matusri Shantaben arts College 

 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....