KARMA

           

આંખોએ ઝાડ પર એક ફળ જોયું.

એને પામવાની લાલસા જાગી.

આંખોતો ફળ તોડી ન શકે,

એટલે પગ ગયા ફળ તોળવાં.

પગતો ફળ તોડી ન શકે,

એટલે હાથે ફળ તોડયું અને,

'મોં'એ ફળ ખાધું.

આમ, જેણે જોયું તે ગયું નહીં,

જે ગયું તેણે તોડયું નહીં અને,

જેણે તોડયું તેણે ખાધું નહીં,

જેણે ખાધું એણે રાખ્યું નહીં. 

ફળતો ગયું પેટમાં...

જ્યારે માળીએ આ જોયુંતો,

દંડ પડ્યા પીઠમાં..

પીઠ કહે, હાય! મારો શું વાંક!?

પણ! જ્યારે દંડા પડ્યા પીઠમાં 

તો આસું આવ્યા આંખમાં....

કારણકે ફળતો પહેલા આંખો'એજ

જોયું હતું ને....

👆 Wp પર મને સવારે માસીએ મોકલ્યું. મને બહુ ગમ્યું... 

🎯 આ જ છે કર્મનો સિદ્ધાંત.... 

        મારા નાની અનેક વખત કહેવતો અને દંતકથાઓ દ્વારા આ વાતને સમજાવતા... જેવી દ્રષ્ટિ તેવી સૃષ્ટિ અને જેવી મતિ તેવી જ ગતિ... આપણે ભલા તો જગ ભલા... આપણાંમાં કે આપણી વિચારધારામાં કોઇ કમી કે ખોટ હોય તો આપણી આસપાસનાં લોકોથી માંડીને બધું ક્ષતિગ્રસ્ત લાગવા માંડે છે... આપણાં વિચારોને તંદુરસ્ત રાખવા જોઈએ તો કર્મનાં સિદ્ધાંતને જીરવી શકીએ... 

          તેઓ કહેતા કે એક સાધુએ આખું જીવન સાધના અને ઉપવાસ કર્યા. તેઓ બધાને કહેતા મેં કોઈ ખોટું કામ કર્યું નથી માટે ભગવાને મને સ્વર્ગ તો આપવું જ રહ્યું મારો મોક્ષ નિશ્ચિત છે. મૃત્યુ સમયે તેમનું ધ્યાન વૃક્ષ પર રહેલા ફળ પર ગયું, અને કહ્યું મને આ ફળ ખાવાની ઇચ્છા થઇ છે, કોઈ તોડી આપો; ત્યાં જ એમણે પ્રાણ ત્યાગી દીધા, ઇચ્છા અધૂરી રહી ગઈ. ફક્ત આટલી અમસ્તી ઇચ્છા પૂરી કરવા એમનાં જીવે એ ફળમાં ઈયળ સ્વરુપે જન્મ લીધો... આવી તો અનેકાનેક વાતો અને દૃષ્ટાંતો તેઓ મને કરતા... 

        "બોલિવૂડ ડાયરીઝ" 2016 માં આવેલી આ movie ની કથા પણ કર્મ based ઉપર છે. ઉત્કટ અભિલાષી કલાકારોને શ્રદ્ધાંજલિ રૂપે છે. તે ત્રણ અસંબંધિત આત્માઓની યાત્રાને ઇતિહાસ આપે છે, જેઓ બોલિવૂડમાં Name & Fame બનાવવાનું સ્વપ્ન ધરાવે છે. આમાં દિલ્હીના કોલ સેન્ટરમાં કામ કરતો એક શખ્સ, ભીલાનો આધેડ સરકારી નોકર અને સોનાગાચી કોલકાતાની એક વેશ્યા છે. તેઓ તીવ્ર ઉત્કટ અને દ્રઢતા સાથે, બોલિવૂડમાં પોતાનું નામ કમાવા બાજુ વળે છે.  "તમારા સ્વપ્નાને જીવંત કરો" કહેવતનું પાલન કરીને, તેઓ તેમના પરંપરાગત જીવનથી આગળ વધે છે. પોતપોતાના કર્મોથી જે તે જગ્યાએ જન્મ્યા પણ સપના પૂરા કરવા વર્તમાન કર્મો ભોગવવા તૈયાર નથી, એટલે દુઃખી-દુઃખી જ રહે છે. મને સ્ટોરીનો ગુહ્ય હાર્દ સ્પર્શી ગયો... કાળો મેસ જેવો આશિષ વિદ્યાર્થી આ રોલમાં પ્રાણ પૂરે છે.. બોલીવૂડમાં હીરો બનવાના સપનાં સાથે મરતા પહેલાં મંત્ર બોલે છે "ઓમ્ બૉલીવુડાય નમો નમઃ" કેમકે બીજા જન્મમાં તેની આ ઇચ્છા પૂરી થાય માટે...!!! ખૂબ વિચિત્ર પણ! intresting... 

 

        કર્મનો નિયમ બૂમરેંગ જેવો છે. જે કોઈ પ્રવૃત્તિઓ આપણે કરીએ છીએ તે પાછી આવે છે.  શક્તિશાળી બ્રહ્માંડમાં કાર્ય પર કોઈ નિયંત્રણ નથી;  આપણે જે નાની વસ્તુઓ કરીએ છીએ (સારી કે ખરાબ) તે આપણી પાસે સૌથી વધુ રન કરી અણધારી રીતે પાછી આવે છે... 

       કર્મ એ માન્યતા છે કે તમે જે કંઈ પણ કરો તે આ જીવનમાં અથવા પછીના જીવનમાં તમારી પાસે આવશે જ. તે બૌદ્ધ ધર્મ, હિન્દુ ધર્મ અને વિશ્વભરના અન્ય લોકો દ્વારા દ્રઢ રીતે માનવામાં આવે છે. કેટલાક લોકો માટે આ માત્ર કાર્યો જ નહીં, પણ વિચારો અને શબ્દો પણ છે... 

        ભગવાન શ્રીકૃષ્ણે કહ્યું છે, “કર્મનો અર્થ હેતુમાં છે. ક્રિયા પાછળનો હેતુ શું છે તે મહત્વનું છે... કર્મને ક્રિયાના પરિણામ તરીકે વર્ણવી શકાય છે પરંતુ ગર્ભિત રીતે તે સારું અને ખરાબ બંને હોઈ શકે છે.

         

       કર્મ આપણી પાસેના બધા અનુભવોનું કારણ છે;  તેમાં અનુભવને નિયંત્રિત કરવાની શક્તિ છે... પ્રત્યેક મનુષ્યમાં પોતાનું કર્મ બદલીને પોતાનું ભાગ્ય બદલવાની શક્તિ હોય છે. ફક્ત આપણે જ ઇચ્છીએ છીએ તે અને તેવું ભવિષ્ય બનાવી શકીએ છીએ.  વ્યક્તિમાં તેમના કર્મોને નિયંત્રિત કરવાની શક્તિ હોતી નથી પરંતુ કર્મ બદલવાની બધી શક્તિ જરૂર હોય છે.. 

        કર્મ વિશેનાં ઉપદેશો સમજાવે છે કે આપણી ભૂતકાળની ક્રિયાઓ આપણા પર હકારાત્મક કે નકારાત્મક અસર કરે છે અને આપણી વર્તમાન ક્રિયાઓ ભવિષ્યમાં આપણને અસર કરશે.  સારા અથવા ખરાબ કાર્યોની ગતિવિધિ વાવણી પર અસર કરે છે, જેવી વાવણી તેવું ફળ. તે કેવી રીતે સારા અથવા ખરાબ ફળ આપે છે તે સમજાવવા માટે બૌદ્ધ ધર્મ કૃષિ રૂપકનો ઉપયોગ કરે છે.

      કર્મ બધા દુ:ખોના સ્ત્રોત તરીકે સમજાતું જાય છે - બૌદ્ધ ધર્મ જેને "ખરાબ કર્મ" તરીકે ઓળખે છે.  'લી' કહે છે, "કોઈ વ્યક્તિએ તેના જીવનકાળમાં ખરાબ કાર્યો કર્યા છે, તે લોકો માટે આ કમનસીબી હોય છે, અથવા ખેડુતો માટે તે કર્મશીલ અવરોધો છે, તેથી જન્મ, વૃદ્ધાવસ્થા, માંદગી અને મૃત્યુ- આ સામાન્ય કર્મ છે."

       ગુરુ શિષ્યનું ભાગ્ય કર્મ-સિદ્ધાંતોનું જ્ઞાન આપી બદલી શકે છે. જો આપણું કર્મ ફળદાયી થવું હોય તો ગુરુ છે.  જેમની પાસે ગુરુ નથી, તેઓ મોટાભાગે તેમની ખરાબ અથવા અધર્મની ક્રિયાઓનાં કર્મનો અનુભવ તેમની ધર્મની ક્રિયાઓના ફળ કરતાં વધારે અનુભવે છે.. માત્ર એક ગુરુ જ ધર્મમાં દીક્ષા આપી શકે છે, મતલબ સાચું જ્ઞાન આપી શકે છે. પછી તે આપણી ખુદની સમજ પણ હોય શકે છે. આપણો આત્મા પણ આપણો ગુરુ બની શકે છે... 

           કર્મ હિન્દુ ધર્મની એક વિભાવના છે જે ભૂતકાળની ફાયદાકારક ક્રિયાઓ અને ભૂતકાળની હાનિકારક ક્રિયાઓથી થતા હાનિકારક પ્રભાવોથી પ્રાપ્ત થાય છે, એક આત્માના પુનર્જન્મના ચક્રની રચના દરમિયાન ક્રિયાઓ અને પ્રતિક્રિયાઓની સિસ્ટમ બનાવે છે તે સિસ્ટમ દ્વારા હિન્દુ ધર્મ આ સિદ્ધાંતને સમજાવે છે.

      આપણે કર્મથી દૂર થઈ શકતા નથી; પૃથ્વીના નિયમથી બચી શકીએ છીએ, પણ! પોતાનાં કર્મથી નહીં. આપણાં બધા પાસે પસંદગીઓ છે, તે નક્કી કરવા માટે કે કયા રસ્તાને અનુસરવો. 

      ગ્રીક પૌરાણિક કથાઓમાં, ટેન્ટાલુસે દેવતાઓથી અમૃત ચોરી કરવાનો પ્રયાસ કર્યો અને તેને દેશનિકાલ કરવામાં આવ્યો. તેણે દેવતાઓને તેના ઘરે આમંત્રણ આપ્યું જ્યાં તેણે તેમના બાળકોને મારી નાખ્યાં અને દેવતાઓને તેમને ખવડાવ્યા. આ માટે, તે સજાના ક્ષેત્રોમાં રહ્યો. માટે જ્યાં તે જ્યારે પણ ખાવા-પીવાનો પ્રયત્ન કરે છે, તો ખોરાક અને પાણી તેની પાસેથી દૂર થઈ જાય છે, આ નિયમ છે કર્મનો... 

©️®️🎯 Writer : Prof.Dr.Vaibhavi Trivedi 

🎯 Matusri Shantaben arts College 

 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....