Women empowerment

         Writer : Prof.Dr. V.K.Trivedi 

यत्र नार्यस्तु पूज्यन्ते रमन्ते तत्र देवताः ।

यत्रैतास्तु न पूज्यन्ते सर्वास्तत्राफलाः क्रियाः ।।

             જ્યાં સ્ત્રી પ્રત્યે આદર અને સન્માન હોય છે, તેમની જરૂરિયાતો અને અપેક્ષાઓ પૂરી થાય છે, ત્યાં દેવ, સમાજ અને કુટુંબ ખુશ છે. જ્યાં આવું થતું નથી અને તેમની સાથે તિરસ્કાર કરવામાં આવે છે, ત્યાં દેવકૃપા રહેતી નથી અને ત્યાં કરેલું કાર્ય સફળ થતું નથી.

      સ્ત્રી કોઈપણ સંબંધે હોય, પૂજનીય જ રહી છે, અને રાખવી જ જોઈએ... સરસ્વતી એટલે વિદ્યા/જ્ઞાન --એ સ્ત્રી સ્વરૂપે છે, એના વગર દુનિયાનો કોઈ પુરુષ એક ડગલું પણ લાઈફમાં આગળ ન વધી શકે.. લક્ષ્મી એટલે રૂપિયા/ધન/દોલત -એ પણ સ્ત્રી સ્વરુપે છે,, એના વગર પુરુષનું અસ્તિત્વ ટકી જ ન શકે. સરસ્વતી હોય ત્યાં જ લક્ષ્મી આવે છે... અન્નપૂર્ણા એટલે અન્ન/ધાન્ય/ખોરાક 

-એ પણ સ્ત્રી સ્વરૂપે જ બિરાજે છે. ઉપરની બન્ને દેવીનાં આશીર્વાદ હોય તો જ અન્નપૂર્ણા પુરુષના ઘરમાં પ્રવેશ કરે છે... જે ઘરમાં સ્ત્રી પૂજાય છે તે ઘર ચહેકી ઊઠે છે અને પવિત્રતા અને આનંદ કિલ્લોલથી પુરુષ સમૃદ્ધિને વરે છે... 

          સ્ત્રીઓ માટે બોલવું આસાન છે, કોઈ એની તરફેણ નથી કરતું. હમેશાં હમેશાં અને આદીકાળથી વાંક સ્ત્રીનો જ ગણવામાં આવ્યો છે, "સ્વચ્છંદી છે, બોલ્ડ સ્વભાવની છે, કેવા કપડાં પહેરે છે!!, કાંઈ લાજ-શરમ છે જ નહીં, મા-બાપે કાંઈ સંસ્કાર નાખ્યાં જ નથી,,,, etc etc......  પાછું, આવું બોલવા વાળા સમાજમાં એવાં સ્ત્રીપુરુષ સામેલ હોય છે જેનાં ઘેર પણ દીકરી હોય છે...

અરે !!! આખા સમાજને બધા પ્રોબ્લેમ્સ કેમ સ્ત્રીઓ સાથે જ છે!!? જ્યારે પુરુષ પોતાની પત્નીને બે કોડીની સમજીને પીટી નાખે છે ત્યારે એની તરફેણમાં બીજા દસ પુરુષો ઉભા રહી જશે... સ્ત્રી થઈને જો સ્ત્રીનું માન ન જાળવી શકીએ તો આખો જન્મારો નિષ્ફળ છે.. 

       આટલી આધુનિકતા સાથે ટેક્નોલોજીની હરણફાળ સાથે capable સ્ત્રીઓ સ્પેસમાં જઈ આવે તોય શું! સ્ત્રી એટલે પુરુષના ઉપભોગનું સાધન !!! દુનિયાનાં કોઈ ખૂણામાં કે કોઈપણ ફિલ્ડમાં મહિલાઓ સુરક્ષિત નથી. પુરુષ સમોવડી મહિલાને, પુરુષ સમડી મનોવૃતિથી જ હરકોઈ જગ્યાએ જોવે છે. પછી તે, હોલિવૂડ હોય, બોલિવૂડ હોય કે કોર્પોરેટ ક્ષેત્ર, મોટામાં મોટા હોદ્દાથી લઈ નાનામાં નાના એકમો સુધી મહિલાઓનું શોષણ થાય છે... ઘરની બહાર તો હજી તેઓ અવાજ ઉઠાવી શકે, પણ! ઘરની અંદર થતી હિંસા અંતે સ્ત્રીને જ ભરખી જાય છે... 

           અમુક પુરુષોને કોઈ પ્રચંડ અહમ્ હોય છે પુરુષ હોવાનો... સાંપ્રત સમયમાં ઘટતી શરમજનક ઘટનાઓ સમાજને સો અંક પરથી ઝીરો પર પટ્ટકી દે છે. ઘરેલુ હિંસામાં હમણાં જ એક DGP ની ક્લિપ વાઈરલ થઈ છે. બળાત્કારના કિસ્સામાં તો દિલમાં ટીસ ઊઠે છે. કોનો વાંક ગણવો આમાં!!? સમય નો! સંસ્કાર નો! સ્વભાવ નો! કે પછી એક આખું જુથ જે દીકરો હોવાને નાતે pampering કર્યા કરે છે અને સ્ત્રીને પગની જૂતી સમજે છે એનો!!? 

-- કેમ માણસ આટલો વિકૃત મગજનો થઈ ગયો છે!? 

               

         નેશનલ ક્રાઇમ રેકોર્ડ બ્યુરોના આંકડા કહે છે કે ભારતમાં દરરોજ સરેરાશ 80 હત્યા અને આશરે 107 બળાત્કાર કેસ નોંધાય છે.

        નેશનલ ક્રાઈમ રેકોર્ડ્સ બ્યુરો (એનસીઆરબી) ના અહેવાલમાં કહેવામાં આવ્યું છે કે ભારતમાં વર્ષમાં દરરોજ સરેરાશ 91/ 107 મહિલાઓએ બળાત્કારની ફરિયાદ નોંધાવી હતી. આંકડા મુજબ ભારત હજી મહિલાઓ માટે સલામત નથી! ૨૦૧૨ માં, નવી દિલ્હીમાં ચાલતી બસમાં પેરામેડિકલ વિદ્યાર્થીની ઘોર બળાત્કાર અને હત્યાના કેસમાં ગુસ્સે ભરાયેલા હજારો લોકો ન્યાયની માંગ સાથે રસ્તા પર ઉતર્યા હતા.  'નિર્ભયા' કૌભાંડ પછી દેશમાં જાતીય હિંસાના કેસમાં કડક કાયદા અને ફાસ્ટ ટ્રેક કોર્ટની માંગ કરવામાં આવી હતી. તે પછી દેશમાં મહિલાઓ વિરુદ્ધ થતી હિંસાને લગતા કાયદા કડક કરવામાં આવ્યા હતા, પરંતુ મહિલાઓ વિરુદ્ધ થતી હિંસા હજુ પણ બેકાબૂ ચાલુ છે.

    એનસીઆરબીના જણાવ્યા અનુસાર, મહિલાઓએ બળાત્કારના લગભગ 33,356 કેસ નોંધાવ્યા હતા.  એક વર્ષ અગાઉ બળાત્કારના 32,559 કેસ નોંધાયા હતા, આ સંખ્યા 38,947 થઈ હતી.  બીજી તરફ, એનસીઆરબીના ડેટા મુજબ, દેશમાં બળાત્કારના આરોપીઓને દોષિત ઠેરવવાનો દર માત્ર 27.2% છે.  દોષિતોને દોષિત ઠેરવવાનો દર 32.2% હતો. એનસીઆરબીના આંકડા દર્શાવે છે કે હત્યા, અપહરણ અને મહિલાઓ સામેના ગુનાઓની સંખ્યામાં વધારો થયો છે. આ આંકડા અનુસાર દેશમાં દરરોજ સરેરાશ 80 લોકોની હત્યા કરવામાં આવે છે. આ સાથે 289 અપહરણ અને બળાત્કારના 91 કેસ નોંધાયા છે.

          ગેંગ રેપની ઘટનાઓ બાદ સરકારે વર્મા કમિશનની ભલામણ પર બળાત્કાર વિરોધી કાયદો બનાવ્યો છે.  તેના હેઠળ કરવામાં આવેલી કાનૂની જોગવાઈઓએ બળાત્કારની વ્યાખ્યા બદલી નાખી છે. સિનિયર એડવોકેટ રમેશ ગુપ્તાના જણાવ્યા અનુસાર આઇપીસીની કલમ 5 375 હેઠળ બળાત્કારના અવકાશ હેઠળ ખાનગી ભાગની છેડછાડ અથવા ઓરલ સેક્સ બંનેને બળાત્કાર માનવામાં આવે છે.  

 👉બળાત્કારના કેસોમાં જેમાં પીડિતા મૃત્યુ પામે છે અથવા કોમામાં જાય છે, તેમાં ફાંસીની જોગવાઈ પૂરી પાડવામાં આવે છે.

 

👉 બળાત્કારમાં ઓછામાં ઓછી 7 વર્ષની સજા અને મહત્તમ આજીવન કેદની જોગવાઈ છે.

 

📌👉 નવા કાયદા હેઠળ છેડતીના કેસોની નવી વ્યાખ્યા કરવામાં આવી છે.  આ અંતર્ગત આઈપીસીની કલમ 354 ઘણા પેટા વિભાગમાં રાખવામાં આવી છે.

 

👉જો કોઈ વ્યક્તિ સ્ત્રી/મહિલા પર જાતીય ટિપ્પણી કરે છે, તો પછી એક વર્ષની કેદની જોગવાઈ છે.

 

👉 354 બી હેઠળ, જો કોઈ વ્યક્તિ સ્ત્રીને ગૌરવ સાથે છેડછાડ કરે, અને કોઈપણ પ્રકારનું દબાણ કરે તો તેને વર્ષથી 3 વર્ષ સુધીની કેદની જોગવાઈ છે.

 

👉 354 સી હેઠળ જોગવાઈ છે કે જો કોઈ વ્યક્તિ મહિલાની તસ્વીર લે અને લોકો સુધી ફેલાવે, તો આવા કિસ્સામાં એક વર્ષથી 3 વર્ષ સુધીની સજાની જોગવાઈ છે.  જો તે ફરીથી આવું કૃત્ય કરે તો 3 વર્ષથી 7 વર્ષની કેદની જોગવાઈ છે.

 

👉 354 ડી હેઠળ જોગવાઈ છે કે જો કોઈ વ્યક્તિ બળજબરીથી કોઈ મહિલાનો પીછો કરે છે અથવા સંપર્ક કરવાનો પ્રયાસ કરે છે, તો આવા કેસમાં દોષી સાબિત થાય તો 3 વર્ષ કેદની જોગવાઈ છે.

👉હૉસ્પિટલ, પીડિત સ્ત્રીને સારવાર ન આપે

કોઈ પણ સરકારી કે ખાનગી હૉસ્પિટલના ઇન્ચાર્જ, પીડિત સ્ત્રીને સારવાર આપવાની ના પાડે તો તે ઇન્ચાર્જને કલમ-166(બી) હેઠળ 1 વર્ષની સજા અને દંડ થઈ શકે.

👉એસિડ ઍટેક

એસિડ ઍેટેક દ્વારા સ્ત્રીને નુકસાન પહોંચાડવા કે તેમ કરવાનો પ્રયત્ન કરવા માટે કલમ-126(એ) અને (બી)નો ઉમેરો કરવામાં આવ્યો.

જો સ્ત્રીને એસિડ દ્વારા ઇજા પહોંચે તો કલમ-126(એ) મુજબ 10 વર્ષ કરતાં ઓછી નહીં અને આજીવન કારાવાસ સુધી લંબાવી શકાય તેવી સજા અને દંડ કરવામાં આવશે. આ દંડની રકમ, પીડિત સ્ત્રીને તબીબી સારવાર માટેના ખર્ચને પહોંચી વળવા માટે ઉચિત અને વાજબી હોય તેટલો હશે.

જો એસિડ ફેંકવાથી સ્ત્રીને ઇજા ન પહોંચે તો પણ, ઇજા પહોંચાડવાના ઇરાદાથી ફેંકવાનો કે આપવાનો પ્રયાસ પણ કરે તો તેને પણ કલમ-126 (બી) મુજબ ઓછામાં ઓછી 5 વર્ષ, અને 7 વર્ષ સુધી લંબાવી શકાય તેવી સજા અને દંડ કરવામાં આવે છે.

🖼 બીજા દેશોમાં સ્ત્રીઓની સ્થિતિ :

     📌  પાકિસ્તાનમાં હવે સ્ત્રીઓ થોડી સ્વાવલંબી બની રહી છે. પહેલા ત્યાંના નિયમો બહુ સખત હતા. 

     📌   તાલિબાનમાં આઠ વર્ષની ઉંમરથી, મહિલાઓને પુરુષોના પ્રત્યક્ષ સંપર્કમાં આવવાની મનાઇ હતી, તેમાં નજીકના લોહીના સંબંધી જેમ કે પતિ, કે સસરા બાકાત હતા, અન્ય પ્રતિબંધો હતા.. 

       મહિલાઓ લોહીના સંબંધી સિવાય કે બુરખા પહેર્યા વગર શેરીઓમાં દેખાઇ ન શકે (વધુમાં બુરખા, બુરકા કે બુરક્યા).

       મહિલાઓ ઊંચી-એડીના ચંપલ પહેરી ન શકે કારણ કે કોઇ પુરુષ મહિલાઓના પગચિન્હોનો અવાજ સાંભળીને ઉત્તેજિત ન થઇ જાય તેટલા માટે.

   

       મહિલાઓ જાહેરમાં મોટેથી બોલી ન શકે જેથી કોઇ અજાણી વ્યક્તિ તે મહિલાનો અવાજ સાંભળી લે.

        તમામ ભોંય અને પહેલા માળના આવાસોની બારીઓને રંગી દેવી કે પડદો કરવો જેથી મહિલાઓનું શેરીમાં દેખાવવું અટકાવી શકાય.

       મહિલાઓની ફ્રોટોગ્રાફી કે ફિલ્મીંગ પર મનાઇ હતી, જેમાં છાપાઓ, ચોપડીઓ, મકાનો કે ઘરમાં મહિલાઓના ચિત્રો પ્રદર્શિત કરવાનો પણ સમાવેશ થતો હતો.

      "મહિલા" શબ્દનો સમાવેશ કરતા સ્થળના નામમાં ફેરફાર કરવો. ઉદાહરણ માટે, "મહિલાઓના બગીચા"ના નામ ફેરવીને "વસંતઋતુનો બગીચો" કરવામાં આવ્યો.

       મહિલાઓનું તેમના ફ્લૅટ કે ઘરની અટારીઓમાં દેખાવવું વર્જિત હતું.

મહિલાઓનું રેડિયો, ટેલિવિઝન કે કોઇ પણ પ્રકારના જાહેર મેળવડાઓમાં હાજર રહેવાની મનાઇ હતી.

       📌  સાઉદી અરેબિયામાં મહિલાઓ હવે ફૂટબોલ મેચ નિહાળવા જઈ શકે છે. મહિલાઓ સૈન્યમાં અને ગુપ્તચર સેવામાં જોડાઈ શકે છે, પણ લડાઈમાં ભાગ નથી લઈ શકતી. ત્યાં મહિલાઓ માટેની સૌપ્રથમ સાયકલ સ્પર્ધા પણ યોજવામાં આવી હતી.

હવે મહિલાઓ માટે કાર ડ્રાઈવિંગ પરનો પ્રતિબંધ ઉઠાવી લેવાયો છે.

સાઉદી અરબમાં મહિલાઓને સૌપ્રથમવાર ડ્રાઈવિંગ લાયસન્સ આપવામાં આવ્યાં છે.

જોકે, વ્યાપક સમાનતા માટે ઝૂંબેશ ચલાવનાર મહિલા અધિકાર કર્મશીલોની સલામતી તથા સ્થિરતાની અવગણનાની શંકાને આધારે તેની ધરપકડ પણ કરવામાં આવી શકે છે.

     📌  વર્લ્ડ બૅન્કનું કહેવું છે કે 187માંથી માત્ર છ દેશ છે કે જ્યાં સમાનતા જોવા મળે છે. વર્લ્ડ બૅન્કે આ વાત પોતાના નવા જાહેર થયેલા રિપોર્ટ 'વુમન, બિઝનેસ ઍન્ડ ધ લૉ'માં જણાવી હતી. 

     વૉશિંગટન સ્થિત સંસ્થાએ 10 વર્ષના ડેટાનું પરીક્ષણ કર્યું છે કે જેમાં નાણાકીય અને કાયદાકીય અસમાનતા અંગે જાણકારી મેળવવામાં આવી છે. સાથે જ સ્વતંત્રતા, માતૃત્વ, ઘરેલુ હિંસા અને ઍસેટ મૅનેજમૅન્ટ જેવા મુદ્દાઓ પર ધ્યાન આપવામાં આવ્યું હતું. 

     જે દેશો આ દરેક મામલે ખરા ઉતર્યાં તેમાં બેલ્જિયમ, ડેનમાર્ક, ફ્રાન્સ, લૅટવિયા, લક્જેમ્બર્ગ અને સ્વીડનનો સમાવેશ થાય છે.

     વૈશ્વિક સ્તરે મહિલાઓ આશરે 75% એવા અધિકાર મેળવે છે કે જે માત્ર પુરુષોને મળે છે.... 

©️®️

🎯 Writer : Prof.Dr.Vaibhavi Trivedi 

🎯 Matusri Shantaben arts College 

 

👉 Image courtesy : Google 

 👉 Notice📖

The translator is configured on the web version for your convenience, so that you can translate and read your favorite articles in your native language.....